Mizoram sawrkar chuan Officer liante hna chanpual a siamtha nual

Mizoram sorkara Secretary-te hna chanpual siam that a ni a, IAS Officer thenkhat sawn an ni. DP&AR atanga thu dawn danin, Secretary-te hna chanpual siksawi zingah Pu RL Rinawma’n Taxation, UD&PA, Land Revenue & Settlement a chang ang a, Pu PC Lallawmsanga’n Industries leh Disaster Management & Rehabilitation a chang ang. Pu K. Lalnghinglova chu School Education leh Higher & Technical Education Secy. thar a ni a, Pi M. Zohmingthangi’n
Food, Civil Supplies & Consumer Affairs leh Information & Public Relations a chang ang a, Pi Esther Lalruatkimi chu Health & Family Welfare leh Labour, Employment & Industrial Training Secy. a ni ang. Pi Dilraj Kaur-i chu Geology, Mining & Mineral  Resources leh Prison Secy. a ni ang a, Pu  Nikhil Kumar-a’n Trade    & Commerce leh PHE-te a chang thung dawn a ni. IAS Officer siksawi zingah Champhai Dist. Bawrhsap, Pu Vijay Kumar Bidhuri chu School Education Director-ah sawn a ni a, Saiha Dist. Bawrhsap, Pu Kunal chu P&E, Finance leh Vigilance Special Secretary atan sawn a ni. School Education Director, Pu Lalhmingthanga chu Champhai Bawrhsap    thar a ni dawn a,      Mamit Bawrhsap, Pu Rodney Lalrinawma Ralte chu GAD Special Secretary a ni ang. Mizorama lo chhuak thar, hna chanpual la nei lo, Pu Alok Swarup chu Saiha Dist. Bawrhsap-ah dah a ni a, Pu Manoj Kumar chu Governor Secretary-ah, Ashutosh Kumar chu Geology, Mining & Mineral Resources Director leh ATI Director a ni ang a, Akash Mohapatra chu Food, Civil Supplies & Consumer Affairs Director-ah thar a ni bawk ang. Heng IAS Officer-te bakah hian RD leh GAD Addl.Secy ni lai, Pu V.Lalremthanga chu Mamit Dist. Bawrhsap atan ruat a ni a, MCS Officer, JAG leh Senior Grade thenkhat pawh sawn nual an ni bawk.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post