Pu L.Hrangnawna IPS (Rtd) chu nimin khan Mizoram Governor Pu Vakkom Purushothaman chuan rinawmna thu tiamtirin Mizoram State Information Commissioner atan a lalut.Lakluhna pual inkhawm Raj Bhawan Durbur Hall-a neih ah Mizoram Chief Secretary chuan Pu L.Hrangnawna Information Commissioner atana ruatna lehkha a chhiar chhuak hmasa a ni. Inkhawm ah hian Ministers, Parliamentary Secretary, MLA leh sawrkar mi pawimawh an tel kim hle.
Pu Zambila (L) fapa Pu L.Hrangnawna hi 1 Jan, 1952 khan a piang a, BA (Hons) a zawh hnu in Mizoram Police Service 1975 khan a zawm a, 1990 ah IPS a hlan kai leh a ni. Mizoram Police Department ah hna pawimawh hrang hrang engemawzat a chelh tawh bakah Delhi Police ah pawh hun engemaw chen a thawk a, December 31, 2011 khan IGP, Mizoram Police atangin a pension.Mizoram State Information Commission hi 2006 khan din a ni a, Chief Information Commissioner hmasa ber atan Pu Robert Hrangdawla, IAS (Rtd) chu July 5. 2006 ah lakluh niin 11 February , 2010 thleng a awm a, Information Commisssioner atan Pu K. Tlanthanga hi ni 5 July, 2006 a lakluh niin ni 16 March, 2010 atangin CIC charge laktir a ni leh a. He mawhphurhna hi ni 30 June 2011 thleng a chelh a ni. Pu Lal Dingliana IFS (Rtd) chuan ni 8 August, 2011 atang khan Chief Information Commissioner nihna chelhin tun thleng hian he hna hi a chhunzawm a, amah tawiawm tur hian Pu L Hrangnawna hi lakluh a ni veleh ta a ni.
Pu Zambila (L) fapa Pu L.Hrangnawna hi 1 Jan, 1952 khan a piang a, BA (Hons) a zawh hnu in Mizoram Police Service 1975 khan a zawm a, 1990 ah IPS a hlan kai leh a ni. Mizoram Police Department ah hna pawimawh hrang hrang engemawzat a chelh tawh bakah Delhi Police ah pawh hun engemaw chen a thawk a, December 31, 2011 khan IGP, Mizoram Police atangin a pension.Mizoram State Information Commission hi 2006 khan din a ni a, Chief Information Commissioner hmasa ber atan Pu Robert Hrangdawla, IAS (Rtd) chu July 5. 2006 ah lakluh niin 11 February , 2010 thleng a awm a, Information Commisssioner atan Pu K. Tlanthanga hi ni 5 July, 2006 a lakluh niin ni 16 March, 2010 atangin CIC charge laktir a ni leh a. He mawhphurhna hi ni 30 June 2011 thleng a chelh a ni. Pu Lal Dingliana IFS (Rtd) chuan ni 8 August, 2011 atang khan Chief Information Commissioner nihna chelhin tun thleng hian he hna hi a chhunzawm a, amah tawiawm tur hian Pu L Hrangnawna hi lakluh a ni veleh ta a ni.