Facebook a thu vawrhtute laka FIR thehluh MBSE Chairman in hnuhkir a tumlo

MBSE Chairman, Rev.Dr.Lalchungnunga’n Bawngkawn Police Station-a FIR an thehluhah ngaihdam dil awm mah se, FIR chu hnuh kir an tum loh thu a sawi. Press mite nen an inkawmna-ah  MBSE Chairman chuan, HSLC Exam-ah thil tihsual a awm ti-a Internet Facebook-a thu vawrh darhtute laka FIR an thehluhah khan mi pahnihin ngaihdam an dil niin a sawi a,
heng mi pahnihte hi sorkar hnathawk an ni a, an chhungte pawhin MBSE-ah ngaihdam dilin FIR chu hnuk kir turin an ngen a, mahse MBSE Exam Committee chuan FIR thehluh kha tha a ti a, Police-te kutah engkim dah a, an thil chhui chhuah leh hremna an lek ang ang chu pawm mai an rel tih a sawi.MBSE Chairman chuan,  Facebook-a thu theh darhtute hi pahnih an ni a, pakhat zawk hi sorkar hnathawh nghet a ni a, pakhat zawk hi MR-a thawk a ni a, heng mite pahnih leh an chhungte’n ngaihdam dilin FIR chu hnuk kir turin ngen mah se, Exam Committee chuan  Police kutah engkim nghah an titlu ta niin a sawi a ni.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post