Nimin khan Lawngtlai MJA te chuan Information changtu Minister Pu Zodintluanga chu Circuit House ah hmuin, Tuna Lawngtlai a Information & Public Relations Officer Pu
Lalremruata Kullai chu MCS a a tlin tak avangin I&PRO hna hi a kalsanmai dawn a, a aiawh tur dahsak nghal turin an ngen a,I&PRO hun rei tak an lo neih loh avanga harsatna an tawh te an thlena,Minister chuan MJA te hi an harsatna te a hriatthiam pui thu leh ahmalam a ngaihtuahpui a tum thu asawi.Minister hi Internet Social Network Facebook a group pakhat," Lawngtlai FutureGroup" (LFG) aiawh te chuan hmuin,
Lawngtlai thalai leh mipui te mamawh thil hrang hrang thlen in,District Hospital bula Tennis Court hluihlawn tawh Basketball Court a siam an dil chu lo enzuia a hma lak a tum thu a sawi a. Contact Sports lama hmasawnna tur hrang hrang leh Dokulha Hall chu Sportscentre atana a that tur thu hrilh a ni a, Minister hian District Council- hruaitute lo titi pui a,rem an tih chuan, boxing leh taekwondo te khelhtheih tura buatsaih a ni ang ati Lawngtlai- III-a NH 54 a tuihawk tling nasa lutuk chu PWD hotute lo nawrphawta,a remchan loh chuan UD&PA atang zawka siamthat hna thawhsak Minister hian a tum thu a sawi bawk.