Chief Minister in Lawngtlai a tlawh ‘Coruption zung phawi tawh, Phoro huntur la hre theilo’

Mizoram chhimlam tlawh a zin Chief Minister Pu Lal Thanhawla chuanApril 11 Nilaini zan dar 7 khan Lawngtlai a thleng a, Circuit House ah CEM Pu C.Ngunlianchunga, DC Pu B.Lalhmingthanga leh LADC leh State Sawrkar a mipawimawh ten lo hmuakin, Chief Minister puala inkhawm buatsaih  ah DC Pu B.Lalhmingthanga leh  CEM Pu C.Ngunlianchunga ten inlawmna thu an sawi a Chief Minister Pu Lalthanhawla chuan coruption chu sawrkar in a haw hle tih sawiin, Mirethei te chanpual, a khawihtu Sawrkar hnathawk ten lo lak ve ngawt a thiang lo a,
hetiang tih chingte chu khawi hmun a mi pawh nise an dap chhuak zel dawn tih sawiin, kum thum chhungin Coruption zung chu kan phawi a,  a phoro hun tur erawh a la sawi theih loh a ni a ti. NLUP chungchang sawiin C.M chuan Kum nga chhungin chhungkua  Nuai hnih leh singhnih tuamchhuah hman tum a ni a, a thawhkhatna  ah chhungkua 45000 tuam a ni a, a thawhnih na ah chhungkua 45300 chuang thlanfel leh tawh niin tanpuina pek thuai tum a ni a ti a, Kum 2013 ral hma in Target an neih te chu tuamchhuah hman vek tum a nih bak ah, chhungkua engemawzat chu huamtel beisei a ni a ti a, a hlawhtlin leh hlawhtlin loh thu ah sawrkar chu a hlawhtling tawh a, a dawngtu     mipui lam ten rinawmna leh dikna nen tan an lak a pawimawh a ni a ti.   C.M chuan Thalaite      tan khawvel thar siam tur in sawrkar chuan theihtawp a hma a lak thu sawiin, National   Institute of Technology,   Institute of Mass Communication leh Institute   of Management te      chu ataka kalpui a ni tawh ani a ti. Chief Minister      hi a Nupui Pi Lalriliani     bak ah Sport Minister Pu Zodintluanga, Pu RL Pianmawia Dy.Chief  Whip leh Pu Rinawma Law Commission Chiarman ten an tawiawm a, nimin        khan Lawngtlai ah tukthuan a ei hnu ah Lunglei panin Lawngtlai a chhuahsan.

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

Post a Comment

Previous Post Next Post