World Vision hmalakna hnuai ah thlathum chhungin Inthar 60 sak hman tumin hna thawh mek a ni.

World Vision India Chhimtuipui Area Development programme hnuai ah Kum 2012 January atanga March thla inkar, thlathum chhung hian Chenna In neilo, khawsak harsa te chenna tur In 60 sak zawh hman tum a ni. In thar sakna hna hi thawh chhoh mek niin, tun dinhmun ah In 17 sak zawh tawh a ni a, a dang pawh zawhfel tep a ni tawh bawk.
Heng In sak te hi World Vision ten Target Village an neih khua 31 ah sak a ni a, Assam Type a sak niin, heng Insakna tur hmanrua te hi World Vision lam chuan an ngaihtuahsak a, In neitu tur leh khawtlang tangrual ten In thar hi an sa mek a ni, a bang atana hman, tunlai a hmanlar tak Tile (Asbestos Tile) ah hian  damdawi thalo, natna thlen thei damdawi Asbestos a tel vangin World Vision lam chuan Tile, Asbestos tello (Non-Asbestos tile) an hmang a, Asbestos Damdawi telna Tile ang chi chuan Cancer bak ah natna chi dang dang a thlen theih vangin, hriselna a him tur Non-Asbestos tile hi an hmang tih Programme Manager Pu maren Nampui chuan The Lawngtlai Post zawhna chhang in a sawi a, hunremchang ah heng an Insak thar te hi zawhfel a nih hun ah mipawimawh te nen a hawnna hun hman an tum. Chhimtuipui Area a World Vision ten Programme an kalpui atangin Chenna In neilo tan In 150 chuang an sak sak tawh a ni.