Nimin khan CYLA Playground ah Lawngtlai District High School Sport-2012 neih tan a ni. District High School Sport 2012 hawnna inkhawm tawite buatsaih, Pu Vanlalruata Chinzah Chairman Organising Committee kaihhruai ah Khuallian Pu T. Vanlalmalsawmsanga MCS, District Transport Officer, BDO Lawngtlai nibawk chuan thusawiin, Zirlaite chu eizawn na atan a Infiamna hman kher tum lo te tan pawh Infiamna chu taksa thanlen nan te, hriselna nan leh an zirlai an zirna ah thil tangkai tak a nih vangin uar deuh deuh tur a chah in,
nitin hunbi nei a insawizawi te thlahthlam lo turin a chah a, Zirtirtute pawh an Naupangte thanlen nan Sport a pawimawhna hre thar deuh deuh tur in a chah bawk. District High School Sport ah hian lawngtlai District a High School 15 tel in, Lawngtlai khawpawn atangin High School pathum an tel. Tuntum High School Sport a tithate hian Mizoram Secondary School Games March Ni 27 a Aizawl a neih tur ah Lawngtlai District ai an awh dawn a ni. Lawngtlai District High School Sport-2012 ah hian Infiamna chi hrang hrang Outdoor leh Indoor Games ah te inelna buatsaih niin, nimin lam khan Individual Item ah te intihsiakna neih a ni a, vawiin lam chuan Major Games lam pawh tan hman beisei a ni a, Zirlaite leh a buaipuitu lam te an phur hle a ni.