Chandmary Bial KTP ten thisen Unit 35 an pe



Nimin khan Presbyterian Kohhran Lawngtlai Chandmary Pastor Bial Kristian Thalai Pawl (KTP) te chuan amamawh a piangte hman a tan Thisen Unit 35 an pe, Thisen petute hi Mipa 30 leh Hmeichhia 5 an ni. District Hospital Lawngtlai atangin Dr.Lalrinfela leh a thawhpui ten Chawnhu Kohhran Hall ah kalchilh in thisen hi an laksak. Lawngtlai Chandmary Pastor Bial KTP te hian June 24 atang khan Bial KTP Meet, Chawnhu ah an hmang a, Meet neih chhungin Programme chi hrang hrang hman ani. Meet tiak tuk,nimin khan Palai te haw darh hma in Bial Conference in a lo rel tawh bawhzui nan thisen hi an pe a ni. Thisen pek hma a inkhawm buatsaih ah Dr.Lalrinfela chuan thisen pek chu thil hlauhawm a nih loh thu leh midangte tan a malsawmna an ni tihlanna a nih thu a sawi, Thisen hi Bialtu Pastor J.Lalbiaknia leh Pro Pastor R.Lalthangvunga ten pe hmasa berin hemi hnu hian KTP Member tlawmngai ten thisen hi an pek chhunzawm a ni. Lawngtlai Chandmary Pastor bial ah hian Kohhran 11 an awm

The Lawngtlai Post

Lalngheta Ralte (Ma-Ngheta) Electric Veng, Lawngtlai , Lawngtlai Dist. Phone: 9862843773 e-mail:lalnghetaralte@gmail.com

2 Comments

  1. kan tan lal Isuan a thisen afartir ang ngeiin KTP ten midangte tanan thisen pek hi kan tih awm reng a ni...entawn tlak in va ni em

    ReplyDelete
  2. thisen pe turin Pastor Nitean hma an hruai riap mai ania, turu buru tak a ni..langtlai chandmary bial te ....kan chhuang a ce u

    ReplyDelete
Previous Post Next Post