Thursday, October 13, 2016

AH&Vety Farm, Mampui a Vawk note tamzawk tharchhuahna tur Minister in a tlawh

Lawngtlai West bialtu MLA, a bialchhung fang mektu AH & Vety Minister Pu C.Ngunlianchunga chuan nimin khan AH & Vety Farm, Mampui a Vawk note tamzawk tharchhuah theihna tur a hmalakna a en.
Pu C.Ngunlian chunga chuan Mizoram chu Vawk note a a intodelh theih nan hmalakna kalpui mek a nih thu sawiin, tuna Mampui a Pig Breeding Farm chu Vawk note tam zawk tharchhuah a nihtheih nan thuam that chhoh mek a ni a ti a, tihpuitlin a nih hun chuan Mizoram chhimlam District te chuan hmundang atangin Vawk note an lakluh a ngai dawnlo a ni a ti.
Mampui a Pig Breeding Farm tihlian tur a hmalakna hi National Livestock Mission (NLM) hnuai a thawh a ni a, tun dinhmun ah Civil Works bik ah cheng Vaibelchhia 13.42 hmang tawhin Vawkin awmsa pathum tilianin, pindan pakua leh Vawk no neihna pariat sak a ni tawh a, hna hi la thawh mek a ni. Vawk tlatna tur 4200 Sqm a zau siamsak niin, tun dinhmun ah Vawkpui tur 50 enkawl mek a ni.
Mampui Farm ah hian Bawng tha chi a hnutetui sawr tur pawh vulhpun tumin hmalak mek a ni a,a sa eitur chi pawh an vulh tel mek bawk.
Heibak ah hian Ar vulhtute Arnote a an intodelh theih nan Arpui tur thahnem tak vulh mek a ni bawk a ni.

Pathian hnen ah hlan dawn



      Tawngtaina Tlang Bethel Prayer Mount a In leh Bungura te chu October Ni 24 khian Pathian hnen ah hlan a ni dawn a, Lawngtlai Prayer Fellowship chuan a duh apiang he hun a teltur hian an sawm.

Khawthlang fang


       AH&Vety Minister Pu C.Ngunlian- chunga chuan Lawngtlai West a fangmek a, nimin khan Bungtlang South ah lutin, vawiin hian M.Kawnpui ah hun an hmang anga, ruahmanlawk ang chuan Minister hian naktuk ah Lawngtlai a rawn lut leh ang.

Lawngtlai Dist Maxi Cab Owners Association Hriattirna



    Tun laiin kan ramah ual au tak a ZU zawrh leh zin mi te tan pawh kawngpui dungah lei mai theih in a awm hner hnur a , hemi kawngah hian  khual zin ( Maxi cab) a zin ten a kan hriat tur chu, i maxi cab chuanna driver in zu a in emaw, a rui emaw, passengers te tan a mawilo leh hnawksak a aawm anih chuan  i chuanna motor number leh Driver hming hria in LDMCOA hruaitu te hnenah rawn  complaint zel turin kan in ngen ani. An motor darthlalang hma lamah khan complaint theihna phone number kan tar vek kha in lo chhin chhiah dawn nia. Zin mite him dam tak leh hlim taka an tum hmun hruai thlen hi kan tih tur leh mawhphurhna ani e.

Hmangaih johana.
Secretary
Lawngtlai Dist Maxi Cab Woners Association.
Phone no: 9089564008
---------------------------------------------------

Friday, November 29, 2013

38-LAWNGTLAI EAST (ST) :: FINAL VOTER TURNOUT REPORT


 PS     PS NAME                                No of    FINAL VOTER     %
 No                                                       Voters       Turnout 

1 LAWNGTLAI III                              1128            787         69.77
2 ELECTRIC VENG                              943            654          69.35
3 BAZAR NORTH                                701           473          67.48
4 BAZAR SOUTH                           743           551          74.16
5 VENGPUI                                          895           735           82.12
6 MISSION VENG                               845          643           76.09
7 COUNCIL VENG EAST                   498           408           81.93
8 COUNCIL VENG WEST                 732           558           76.23
9 CHANDMARY N- I                          624          440            70.51
10 CHANDMARY N- II             608          495            81.41
11 CHANDMARY SOUTH                 922          686            74.40
12 CHANDMARY II                          552          466             84.42
13 PANGKHUA                                   877          671             76.51
14 VARTEK                                          138          116              84.06
15 VARTEKKAI                                   179         160              89.39
16 SANGAU EAST I                          813         680              83.64
17 SANGAU EAST II                          444         342             77.03
18DINTHAR                                         561         444             79.14
19 VENGTHAR                                    843         666             79.00
20 CHEURAL                                               781           620               79.39
21 LUNGTIAN I                                   715         564             78.88
22 LUNGTIAN II                             322         236             73.29
23 SENTETFIANG                                166          146              87.95
24 RAWLBUK                                       340         289             85.00
25 SOUTH LUNGPHER                      972         770              79.22
26 THALTLANG                               338        290              85.80
27 ARCHHUANG                                 412         320             77.67
28 SIACHANGKAWN                           589        477              80.98
29 VAWMBUK                                     959        748              78.00
30 TIALDAWNGILUNG                      257       210               81.71
31 BUALPUI NG I                                788        578              73.35
32 BUALPUI NG II                            442       312              70.59
33 BUALPUI NG III                              489       344               70.35
34 LUNGZARHTUM                                  618        523               84.63
GRAND TOTAL                    21234  16402            77.24

LADC Thlasik thutkhawm vawiin ah neih a ni dawn Chairman rintawklohna Motion a lut

Lai Autonomous District Council Thlasik thutkhawm chu vawiin hian LADC Session Hall ah neih a ni dawn a, Session a ngaihtuah turin  LADC Chairman rintawklohna a lut tih mirinawm tak hnen atangin The Lawngtlai Post chuan a dawng a, Chairman rintawklohna lut hi vawiin hian ngaihtuah a nih a rinawm. LADC Chairman nilai Pu F.Rohnuna chu Mizoram Pradesh Congress Committee chuan MLA thlan vuatvet ah, a chetdan ah ngaimawh thil     awm ni a hriaiin an hnawhchhuak a, Lai DCC khaidingtuber zing a mi Senior Politician hi LADC a Congress kaihhruai sorkar dingmek ah Chairman nilai niin, hetianga Congress Party atanga hnawhchhuah a         nih tak ah chuan Congress kaihhruai LADC Sorkar ah Chairman a nihna chu rintawklohna a awm ta niin thudawnna chuan a sawi.

Sub-Junior Inter District Football Lawngtlai ah khelh mek a ni.

Nimin khan Mizoram Sub-Junior Inter-District Football Championship Vawi 11 na chu YLA Playground ah tan ani a,District Pariat atangin an telkim thei.  Championship  na hawnna inkhawm hi T.Lallianchama,Sr Vice President,Lawngtlai District Football Association chuan a kaihruai a,khuallian Pu C.Lalhumhima, EE PWD.Lawngtlai chuan Khawvel huapa Football lama milar kan hriat hote, Mizo Thalaite zinga India ram Club lian tak taka khel mek,kan hriat hote hi vawi khata rawn lar hluai an ni lo, tuna an dinhmun thleng tur hian insum ngaite, tihtur leh tih loh tur te an thliar thim a,rim takin

Wednesday, November 27, 2013

Lawngtlai District a Bial pathuma Polling Party ten nimin khan Lawngtlai an thlengkim

Mizoram State Legislative Assembly pasarihna din tur a inthlanpui neih zawh tak ah Lawngtlai District chhung a inthlan buaipuitute chuan nimin chawhnu dar 2:30 khan Lawngtlai DC Office thlengkimin, mipuiten an aiawhtur a an thlan te chhinchhiahna Electors Voting Machine chu DC Office a Strong Room ah venhimna khauhtak hnuai ah dahluh a ni. Lawngtlai District chhung a Assembly bial pathum Tuichawng, Lawngtlai East leh Lawngtlai West a Vote tla te chu a vaiin 81.05% niin, Mizoram pum a Vote tla chu  81.23% a ni. Tuichawng bial ah Vote 82.49% a tla a, Lawngtlai West ah 84.01% tla in bial pathumah Vote tlak thatberna a ni a, Lawngtlai East chu a tlak chhiatna ber niin 77.24% ni.Lawngtlai District a bial pathum a Polling Station 159 ah Vote neithei 45 awmna Lawngtlai West bial a Hlimzawl ah Vote neithei zawng zawng ten Vote an thlak kim vek a, Parva-II Vote neithei 556 awmna ah Vote 53.78% tlain Vote tlak chhiatna ber a ni.